१० लाख २० हजार रुपैयाँ सहित दुई जना पक्राउ

 काठमाडौँ - बाराको विश्रामपुर गाउँपालिका-१ घोडासाहन नाकाबाट स्रोत नखुलेको नगद १० लाख २० हजार रुपैयाँ सहित दुई जनालाई प्रहरीले पक्राउ गरेको छ। पक्राउ गरिएका व्यक्तिहरू फेटा गाउँपालिका-६ पुरैनिया निवासी ४१ वर्षीय सैदुल्ला मिया ठकुराई र २२ वर्षीय बागर अन्सारी हुन्।

इलाका प्रहरी कार्यालय छतवाबाट खटिएको टोलीले भारतबाट नेपालतर्फ आउँदै गरेको ना.३६ प ४५६३ नम्बरको मोटरसाइकललाई जाँच गर्दा उक्त रकम सहित उनीहरूलाई पक्राउ गरेको हो।

---

प्रहरीले यस घटनामा आवश्यक अनुसन्धान सुरु गरेको छ।