मर्निङ वाक जाँदा बाघको आक्रमण

चितवन - चितवनमा बाघको आक्रमणबाट एक पुरुष घाइते भएका छन् । भरतपुर महानगरपालिका–२ बेलटाडीका ६० वर्षीय पशुपति श्रेष्ठ आइतबार बिहान घाइते भएका हुन् । मर्निङ वाकका क्रममा उनलाई बाघले आक्रमण गरेको थियो । 

भरतपुर महानगरपालिका–१ नारायणी नदी किनारमा हिँडिरहेका बेला उनलाई बाघले आक्रमण गरेको प्रमुख जिल्ला अधिकारी इन्द्रदेव यादवले जानकारी दिए । 

---

आक्रमणबाट घाइते श्रेष्ठको चितवन मेडिकल कलेजमा उपचार भइरहेको छ । उनको मुख र हातमा चोट लागेको र अवस्था स्थिर रहेको उनले बताए । 

प्रमुख जिल्ला अधिकारी यादवका अनुसार बाघको खोजीका लागि जिल्ला वन कार्यालयबाट एउटा टोली परिचालन भएको छ ।