नेपालमा दुई सातामै हवाई दुर्घटनामा परी २३ जनाले गुमाए ज्यान

काठमाडौँ- नेपालमा दुई सातामा हवाई दुर्घटना परी २३ जनाको मृत्यु भएको छ । केही हप्ताअघि पोखरा उडेको केही समयमा सौर्य विमानको जहाज दुर्घटनामा परी १८ जनाको मृत्यु भएको थियो ।

 (आज) बुधबार नुवाकोटको शिवपुरी ७ मा भएको हेलिकप्टर दुर्घटनामा चार जना यात्रुसहित पाइलटको मृत्यु भएको छ । दुई सातामै २३ जनाले ज्यान गुमाएका छन् ।

---

एयर डाइनेस्टीको कलसाइन नाइनएन एजेडी हेलिकप्टर सूर्यचौरमा दुर्घटनामा परेको हो । काठमाडौंबाट १ बजेर ५४ मिनेटमा उडेको हेलिकोप्टर तीन मिनेटमै सम्पर्कविहीन भएको थियो ।

सौर्य विमानको पाइलट मनिषराज शाक्यलाई तत्कालै दुर्घटनास्थलबाट उद्धार गरिएको थियो ।