हात्तीको आक्रमणबाट दुई घरमा क्षति

इनरुवा (सुनसरी)- इटहरी उपमहानगरपालिका–२ स्थित शान्तिनगरमा जङ्गली हात्तीले दुई वटा घरमा क्षति पुर्याएका छन् । आज बिहान जङ्गलबाट आएको हात्तीको हुलले आक्रमण गर्दा दुई वटा घरमा क्षति पुगेको इलाका प्रहरी कार्यालय इटहरीले जनाएको छ । 

स्थानीय अमृतबहादुर मगर र उनका छिमेकीको घर हात्तीले भत्काएको जिल्ला प्रहरी कार्यालय सुनसरीका प्रहरी नायब उपरीक्षक नवीनकृष्ण भण्डारीले जानकारी दिए । हात्तीले अमृतबहादुरको घरमा राखेको १० बोरा धान र एक बोरा चामल नष्ट गरेको छ ।

---