दार्चुला घटनाको विरोधमा मोदी र देउवाको पुत्ला दहन
फाइल फोटो
काठमाडौँ - दार्चुला घटनाको विरोधमा नेकपा एमाले निकट बिद्यार्थीहरुले नेपाल र भारतका प्रधानमन्त्रीको पुत्ला दहन गरेका छन् । एमाले निकट अनेरास्ववियुका विद्यार्थीहरुले शनिबार रत्न राज्य क्याम्पस, प्रदर्शनीमार्गमा प्रदर्शन गर्दै भारतीय प्रधानमन्त्री नरेन्द्र मोदी र नेपालका प्रधानमन्त्री शेर बहादुर देउवाको पुत्ला दहन गरेका हुन् ।
उनीहरुले जयसिंह धामीलाई न्याय दे, सीमा अतिक्रमण बन्द गर्, कठपुतली सरकार मुर्दावाद जस्ता नारा लगाएका थिए । त्यस्तै उनीहरुले एमालेबाट अलग भएको नेकपा एकीकृत समाजवादीका अध्यक्ष माधव कुमार नेपालको पनि पुत्दा दहन गरेका थिए । पुत्दा दहन गर्दा प्रदर्शनीमार्गमा प्रहरीले हस्तक्षेप गरेको थियो ।
भारतीय सीमा सुरक्षा बल एसएसबीले तुनइको तार काटिदिँदा दार्चुलाको ब्याँस गाउँपालिका– २ का जयसिंह धामी महाकाली नदीमा खसेका थिए । घटनाबारे छानविन गर्न बनाएको समितिले हालै बुझाएको प्रतिवेदनमा पनि एसएसबीको उपस्थितिमा घटना भएको उल्लेख छ । तर घटनाको विरोध गर्दै भारतलाई कूटनीतिक नोट पठाउने काम समेत नगरेको भन्दै बिद्यार्थीहरुले विरोध प्रदर्शनसहित पुत्ला दहन गरेको जनाएका छन् ।
कमेन्ट गर्नुहोस्
Sign in with
Facebook Googleकमेन्ट पढ्नुहोस्
0 प्रतिकृया