मानव बेचबिखन नियन्त्रणमा कैलाली प्रहरी उत्कृष्ट

कैलाली : जिल्ला प्रहरी कार्यालय कैलाली मानव बेचबिखनबिरुद्ध कार्य गर्ने उत्कृष्ट कार्यालयका रुपमा पुरस्कृत भएको छ । देशभरीका ७७ वटा प्रहरी कार्यालयसहित सम्पूर्ण प्रहरी युनिटहरुमध्ये जिल्ला प्रहरी कार्यालय कैलाली मानव बेचबिखन रोकथाम तथा नियन्त्रणका क्षेत्रमा कार्य गर्ने उत्कृष्ट कार्यालयका रुपमा पुरस्कृत भएको हो ।

महिला बालबालिका तथा ज्येष्ठ नागरिक मन्त्रालयले जिल्ला प्रहरी कार्यालयलाई मानव बेचबिखन रोकथाम र नियन्त्रणका लागि उत्कृष्ट कार्य गरे वापत आज मन्त्रालयमा सम्मान गरिएको हो । एसपी विश्व अधिकारीले उत्कृष्ट कार्यालयको पुरस्कार ग्रहण गरेका थिए । 

---

महिला बालबालिका तथा ज्येष्ठ नागरिक मन्त्रालयले जिल्ला प्रहरी कार्यालय कैलालीलाई मानव बेचबिखनलाई गम्भीरतापूर्वक लिदै त्यस्ता घट्ना नियन्त्रणका लागि प्रयास गर्ने र त्यस्ता घट्नामा संलग्न व्यक्तिहरुविरुद्ध मुद्दा दर्तादेखि पीडितलाई न्याय दिलाउन उत्कृष्ट कार्य गरेकोले सम्मान गरेको जनाएको छ ।