बसको ठक्करबाट मोटरसाइकलमा सवार दुईको मृत्यु

जनकपुरधाम : बसले मोटरसाइकललाई ठक्कर दिंदा सिरहामा दुई जनाको मृत्यु भएको छ । प्रहरीका अनुसार शुक्रवार राति पुर्वपश्‍चिम राजमार्गअन्तर्गत कर्जनहा नगरपालिका-१० प्रयागपुर नजिक जनकपुरबाट पूर्वतर्फ आइरहेको ना ५ ख ५२४५ नम्बरको बसले ज ८ प ६४८४ नम्बरको मोटरसाइकललाई ठक्कर दिंदा मोटरसाइकलमा सवार दुई जनाको मृत्यु भएको हो ।

इलाका प्रहरी कार्यालय मिर्चैयाका अनुसार मृतक हुनेमा जन्ती गइरहेका धनुषाको सबैला नगरपालिका वडा नं. १३ बस्‍ने बर्ष १८बर्षीय  सचिनकुमार महतो र पछाडी बस्‍ने २३ बर्षीय सुशील महतो छन् । 

---

मोटरसाइकललाई ठक्कर दिएर भाग्दै गरेको अवस्थामा बसलाईढल्केवरबाट पक्राउ गरिएको इलाका प्रहरी कार्यालय मिर्चैयाका डिएसपी राजेन्द्र श्रेष्ठले जानकारी दिए । बस र चालक दुवैलाई नियन्त्रणमा लिएर अनुसन्धान प्रक्रिया अघि बढाइएको र मृतकको शवलाई पोष्टमार्टम पश्‍चात् परिवारजनको जिम्मा लगाइने डिएसपी श्रेष्ठले बताए ।