न्युजिल्याण्ड र बंगालदेशको टेस्ट शृङ्खला बराबर

काठमाडौँ- बंगलादेशमा भइरहेको न्युजिल्याण्ड र बंगालदेशबीचको टेस्ट शृङ्खला १–१ को बराबरीमा सकिएको छ । १–० ले अगाडि रहेको बंगलादेशलाई दोस्रो खेलमा ४ विकेटले हराउँदै न्युजिल्याण्डले शृङ्खला बराबरी गरेको हो । 

दोस्रो टेस्टको अन्तिम दिनमा १ सय ३७ रनको लक्ष्य पछ्याएको  न्युजिल्याण्डले ३९.४ ओभरमा ६ विकेट गुमाएर भेट्टाएको हो । 

---

न्युजिल्याण्डका लागि ग्लेन फिलिप्सले नटआउट रहँदै ४० तथा मिचेल स्यान्टनरले ३५ रन बनाए । यस्तै टम ल्याथमले २६ रन तथा डेयरल मिचेलले १९ रनको योगदान दिए । त्यसबाहेक अन्य खेलाडीले राम्रो स्कोर बनाउन सकेनन् ।

बंगलादेशका लागि मेहदी हसन मिराजले ३, तइजुल इस्लामले २ र शरीफुल इस्लामले १ विकेट लिए । पहिलो इनिङमा बंगलादेशले १७२ रन बनाउँदा सबै विकेट गुमाएको थियो । दोस्रो ब्याटिङ गरेको न्युजिल्याण्डले १८० रन मात्रै बनाउन सकेको थियो ।