एमबाप्पेलाई हाफ-टाइममा मैदान बाहिर पठाएको खेलमा पीएसजीको बराबरी

काठमाडौँ- पेरिस सेन्ट जर्मेन (पीएसजी) ले फ्रेन्च लिग वानअन्तर्गत मोनाकोसँग अंक बाँडेको छ ।

शुक्रबार राति भएको खेलमा पीएसजीले मोनाकोसँग गोलरहित बराबरी खेलेको हो ।

---

पीएसजीका फ्रेन्च फरवार्ड कायलियन एमबाप्पेलाई पहिलो हाफमा मैदान बाहिर पठाइएको थियो । त्यसपछि उनले आफ्नी आमासँग दोस्रो हाफको खेल हेरेका थिए ।

पीएसजीका मुख्य प्रशिक्षक लुइस एनरिकले पहिलो हाफमा एमबाप्पेको स्थानमा रान्डल कोलो मुआनीलाई मैदानमा पठाएको थियो ।

जारी लिग वानमा शीर्ष स्थानमा रहेको पीएसजीले २४ खेलबाट ५५ अंक जोडेको छ । दोस्रो स्थानको ब्रेस्टको २३ खेलमा ४३ अंक छ ।