सिरि एः जेनोआलाई पराजित गर्दै इन्टर मिलानले लियो १५ अंकको अग्रता

काठमाडौँ- इटालियन सिरि ए फुटबलअन्तर्गत शीर्ष स्थानको इन्टर मिलानले जेनोआविरुद्ध जित हात पारेको छ ।

सोमबार राति सम्पन्न खेलमा इन्टर मिलानले जेनोआलाई २-१ गोलअन्तरले पराजित गरेको हो ।

---

इन्टर मिलानको जितमा क्रिस्टिजन अस्लानी र अलेक्सिस सान्चेजले एक-एक गोल गरे । जेनोआका लागि जोहन भास्क्विजले एक गोल फर्काए ।

जितसँगै इन्टर मिलानले २७ खेलबाट ७२ अंक जोड्दै दोस्रो स्थानको युभेन्टससँगको दूरी १५ अंकमा पुर्‍याएको छ । युभेन्टसले २७ खेलबाट ५७ अंकमात्र जोडेको छ ।