केनले दुई गोल गर्दा बायर्न म्युनिख च्याम्पियन्स लिगको अन्तिम ८ मा

काठमाडौँ- जर्मन फुटबल क्लब बायर्न म्युनिख युइएफए च्याम्पियन्स लिगको क्वार्टरफाइनलमा प्रवेश गरेको छ ।

प्रि-क्वार्टरफाइनलअन्तर्गत मंगलबार राति भएको दोस्रो लेगमा इटालियन क्लब लाजियओलाई ३-० गोलअन्तरले पराजित गर्दै बायर्न म्युनिख अन्तिम ८ मा प्रवेश गरेको हो ।

---

यसअघि पहिलो लेगमा लाजियोले १-० को जित निकाले पनि दोस्रो लेगमा हात पारेको फराकिलो जितसँगै बार्यन म्यनिखले समग्रमा ३-१ नतिजा आफ्नो पक्षमा पारेको हो ।

मंगलबार रातिको खेलमा बार्यन म्युनिखका लागि ह्यारी केनले २ तथा थोमस मुलरले १ गोल गरे ।