साउदी फुटबल क्बल अल-हिलालले कायम गर्‍यो विश्व कीर्तिमान

काठमाडौँ- साउदी प्रो लिग फुटबल क्लब अल-हिलालले विश्व कीर्तिमान कायम गरेको छ ।

शीर्ष डिभिजनको लगातार २८ खेल जित्ने अल-हिलाल विश्वकै पहिलो फुटबल क्लब बनेको बीबीसीले जनाएको हो ।

---

एसियन च्याम्पियन्स लिगअन्तर्गत अल-इत्तिहादलाई २-० गोलअन्तरले पराजित गर्दै अल-हिलालले लगातार २८ औँ जित दर्ता गरेको हो ।

यससँगै अल-हिलालले वेल्सको द न्यू सेन्ट क्लबले सन् २०१६ मा २७ खेलमा हात पारेको जितको कीर्तिमानलाई पछि पार्न सफल भएको छ ।

गत सेप्टेम्बरमा दमाकसँग १-१ को बराबरी खेलेयता अल-हिलालले सबै खेलमा जित हात पारेको छ ।