गौतम गम्भिरको 'इन्स्टाग्राम' को जवाफ किन चर्चामा ?

काठमाडौँ- भारतका पूर्व क्रिकेटर गौतम गम्भिरले सामाजिक सञ्जाल 'इन्स्टाग्राम' मा एक समर्थकलाई दिएको जवाफका कारण चर्चामा आएका छन् ।

इन्डियन प्रिमियर लिग (आईपीएल) टिम कलकता नाइट राइडर्सका मेन्टर समेत रहेका गम्भिरले एक महिला समर्थकको प्रश्नमाथि जवाफ दिएका हुन् ।

---

आईपीएल खेलका क्रममा एक महिला समर्थकले एक 'पम्पलेट' मा गौतम गम्भिर नहासेसम्म आफूले आफ्नो 'क्रस' लाई प्रेम प्रस्ताव नराख्ने लेखेकी थिइन् ।

त्यसको जवाफ गम्भिरले सामाजिक सञ्जालमार्फत दिएका हुन् । उनले आफू हासेको फोटो राख्दै जवाफ फर्काएका छन् ।