ओलम्पिकमा आक्रमण गर्ने योजना बनाएको आरोपमा एक व्यक्ति पक्राउ

काठमाडौँ- यसै वर्ष आयोजना हुने ग्रीष्मकालीन ओलम्पिकअन्तर्गतको फुटबल स्टेडियममा आक्रमण गर्ने योजना बनाएको आरोपमा दक्षिणी फ्रान्समा एक व्यक्तिलाई पक्राउ गरिएको छ ।

इस्लामवादी प्रेरित आक्रमणको प्रमाण फेला पारेपछि चेचेन मूलका १८ वर्षीय किशोरलाई मे २२ मा सेन्ट-एटिनमा पक्राउ गरिएको अधिकारीहरूले बताएको बीबीसीले उल्लेख गरेको छ ।

---

तर अधिकारीहरूले पक्राउ परेका व्यक्तिको नाम सार्वजनिक गरेका छैनन् ।

फ्रान्सका आन्तरिक मन्त्री जेरार्ड डार्मानिनले खेललाई लक्षित गर्ने पहिलो षड्यन्त्रलाई सफलतापूर्वक विफल पार्न गुप्तचर निकायको प्रशंसा गरे ।

२६ जुलाईबाट सुरु हुने ओलम्पिकका लागि फ्रान्स उच्च सतर्कतामा छ ।