घाइते भएपछि साविक विजेता जोकोभिचले छाडे फ्रेन्च ओपन

काठमाडौँ- साविक विजेता नोभाक जोकोभिचले फ्रेन्च ओपन टेनिस प्रतियोगिता बीचमै छाडेका छन् ।

घुँडाको चोटका कारण सर्वियन खेलाडी जोकोभिचले क्वार्टरफाइनलबाटै फ्रेन्च ओपन छाडेका बीबीसीले जनाएको हो ।

---

शीर्ष वरीयताका जोकोभिचले मंगलबार ग्रान्डस्लाम प्रतियोगिताबाट बाहिरिएको घोषणा गरेका थिए ।

३७ वर्षीय जोकोभिचले बुधबार अन्तिम आठमा नर्वेजियन सातौं वरियताका क्यास्पर रुडसँग खेल्नुपर्ने तालिका थियो ।

जोकोभिचले मंगलबार चोटको स्क्यान गराएका थिए र त्यसअघि उनले सोमबार आफ्नो चौथो चरण जित्दा चोटको समस्या बढाएकोमा 'चिप्लो' रोलान्ड गारोस क्ले कोर्टलाई दोष दिएका थिए ।