प्रथम प्रदेश स्तरीय पुरुष भलिबल प्रतियोगिता: उपाधिका लागि डोटी र डडेल्धुरा भिड्‍ने

कैलाली - धनगढीमा जारी प्रथम प्रदेश स्तरीय पुरुष भलिबल प्रतियोगिताको फाइनल खेल डोटी र डडेल्धुरा बीच प्रतिस्पर्धा हुने भएको छ । 
आज भएको पहिलो सेमिफाइनल खेलमा कैलालीलाई ३-१ ले पराजित गर्दै डोटी फाइनल प्रवेश गरेको थियो । त्यस्तै डडेल्धुराले कञ्चनपुरलाई ३-२ ले पराजित गर्दै उपाधि नजिक पुगेको छ।

उपाधिका लागि डडेल्धुरा र डोटी भिड्ने भएका छन्। प्रतियोगिताको फाइनल खेल आजै केहिबेरमा हुँदैछ। 

---

धनगढीमा जारी प्रतियोगिताको विजेतालाई नगद एक लाखसहित ट्रफी दिइने छ। प्रतियोगिताको उपविजेतालाई नगद ५० हजारसहित ट्रफी दिइनेछ भने प्रतियोगिताको सेमिफाइनलसम्म पुग्ने दुई टीमलाई पच्चिस पच्चिस हजार नगदसहित ट्रफी दिइने छ। सुदूरपश्चिम प्रदेश खेलकुद परिषद्को आयोजनामा प्रतियोगिता भइरहेको छ।