जेठ १७ सम्मका लागि अन्तरराष्ट्रिय उडान बन्द, भारतको भने भएन

काठमाडौँ : सरकारले अन्तरराष्ट्रिय उडान थप २० दिन बन्द गर्ने निर्णय गरेको छ । नागरिक उड्डयन प्राधिकरणका प्रवक्ता राजुकमार केसीले जेठ १७ गतेको मध्यरातसम्म बन्द गर्ने निर्णय गरिएको जानकारी दिए।

भारत र नेपालबीच सातामा दुई पटक हुने उडानबाहेक नियमित व्यवसायिक उडानमाथि लगाइएको प्रतिबन्ध कायम रहेको उनले बताए । 'एयरलायन्स कम्पनीले अर्को सूचना जारी नगरेसम्मका लागि टिकट बुकिङ नगर्नु,' प्राधिकरणले जारी विज्ञप्तिमा लेखिएको छ,' एयर बबल सुविधा अनुसार भारततर्फ सातामा दुई पटक हुने उडान बन्द गरिएको छैन ।'

---

यसअघि मन्त्रिपरीषद्को बसेको बैठकले वैशाख २३ गते देखि ३१ गतेसम्म बन्द अन्तरराष्ट्रिय उडान बन्द गर्ने  निर्णय गरेको थियो ।