अमेरिकी विदेश मन्त्रीले पत्रकार पर्लका परिवारलाई भेटे

काठमाडौँ : अमेरिकाका विदेश मन्त्रीले एन्टोनी ब्लिंकनले दुई दशक अघि पाकिस्तानको कराचीमा हत्या गरिएको पत्रकार डेनियल पर्लका परिवारलाई भेटेर न्याय दिलाउने आश्वासन दिएका छन् । वाल स्ट्रिट जरनलका ब्युरो चिफ पर्लको रिपोर्टिङका क्रममा सन् २००२ मा पाकिस्तानको कराचीमा हत्या गरिएको थियो । 

पाकिस्तानी पुग्तचर निकाय आइएसआई र आतंकवादी संगठनहरूको सम्बन्धबारे समाचार संकलन गर्दै रहेका पत्रकार पर्ललाई आतंकबादीहरूले अपहरण गरेका थिए । उनी अपहरण परकेको केही दिनमा बर्वर रुपमा उनको टाउको काटेर हत्या गरेको थियो ।

---

हत्या आरोपी ब्रिटिस नागरिक समेत रहेका अल कायदाका आतंवादी अहमद उमर सईद शेखलाई अमेरिकी दबाबका कारण पाकिस्ताले जेलमा राखे पनि अदालती प्रक्रिया अगाडि नबढ्दा अझैसम्म कुनै सजाय हुन सकेको छैन । अमेरिकाले अहिले शेखलाई कडा सजाय दिनुपर्ने बताएको छ । विदेशमन्त्री ब्लिंकनले शेखलाई कडा सजाय दिँदै पर्लको परिवारलाई न्याय दिनुपर्ने बताए । 

हुनत पर्लको हत्याअघि नै आतंककारी शेख भारतीय जेलमा थिए । तर, सन् १९९९ मा काठमाडौँबाट भएको इण्डियन एअरलाइन्स बिमान अपहरण विमानमा रहेका १ सय ५० यात्रुलाई छोड्ने सर्तमा शेख सहित जैश ए मोहम्मदका प्रमुख मसूद अजहर र मुश्ताक अहमद जरगरलाई कान्दाहार (अफगानिस्थान)मा रिहा गरेका थिए । त्यसपछि उक्त संगठन झनै उग्र बन्दै गएको थियो । 

त्यसको तीन वर्षपछि रिपोर्टिङको क्रममा रहेका पत्रकार पर्लको बर्वर रुपमा हत्या भएको थियो । उनी अमेरिकाको न्यूजर्सीमा जन्मेका पत्रकार थिए । उनको ३९ वर्षको उमेरमा हत्या भएको थियो । फेब्रुअरी १, २००२ मा हत्या भए पनि उनको शव भने साढे तीन महिनापछि मात्र भेटिएको थियो । उनै पत्रकारको परिवारले लगातार न्यायको माग गर्दै आएका थिए । त्यही मागको सिलसिलामा परिवारको सदस्यलाई भेट्दै विेशमन्त्रीले न्याय दिलाउने बताएका हुन । (अन्तराष्ट्रिय सञ्‍चारमाध्यमबाट)