भारतमा एक दिनमा झण्डै डेढ लाख कोभिड-१९ संक्रमित थपिए

नयाँ दिल्ली : भारतमा कोभिड-१९ बाट एकै दिन झण्डै डेढ लाख सङ्क्रमित भएका छन् । यो सङ्ख्या महामारी सुरु भएदेखि अहिलेसम्मकै सबैभन्दा ठूलो भएको स्वास्थ्य अधिकारीहरूले शनिबार जनाएका छन् । 

उनीहरूकाअनुसार पछिल्लो २४ घण्टामा भारतमा एक लाख ४५ हजार ३८४ जना सङ्क्रमित भएका हुन् । यसअघि अघिल्लो एकै दिनमा एक करोड ३२ लाख पाँच हजार ९२६ जना सङ्क्रमित भएका थिए । 

---

सरकारी अधिकारीहरूले सोही अवधिमा भारतमा देशभरी कुल ७९४ जनाको मृत्यु भएको छ । भारतमा अहिले पनि सङ्क्रमित अवस्थामै रहेकाहरूको सङ्ख्या दश लाख ४६ हजार ६३१ रहेको केन्द्रीय स्वास्थ्य तथा परिवार कल्याण मन्त्रालयले जनाएको छ । 

शुक्रबार मात्रै ७७ हजार ५६७ जना संक्रमणमुक्त भएका छन् भने अहिलेसम्म मुक्त भएकाहरूको सङ्ख्या एक करोड १९ लाख ९० हजार ८५९ रहेको छ । रासस