म्यानमार प्रदर्शनमा मृत्यु हुनेको संख्या सात सय नाघ्यो

काठमाडौँ : म्यानमारमा सत्ता हातमा लिएको सैनिकले एकैदिन थप ८२ जनाको हत्या गरेको छ । शनिबार राती सेनाले ८२ जनाको हत्या गरेको म्यानमारमा रहेका मानवअधिकारकर्मीले बताएका छन् ।

रंगुनबाट नजिकै बगोमा एकैदिन ८२ जनाको सेनाले हत्या गरेको म्यानमारमा काम गर्ने नेपाली पत्रकार दीपक भट्टराईले ट्वीटमा उल्लेख गरेका छन् । काठमाडौँमा रहेका उनी म्यानमारमा रहेका विभिन्न मानव अधिकारवादी संघ संस्था र पत्रकारसँग समन्वय गरेर म्यानमारबारे नयाँ अपडेट दिने गरेका छन् । 

---

यससँगै अहिलेसम्म प्रजातान्त्रिक आन्दोलनका लागि ज्यान गुमाउनेको संख्या सात सय १ पुगेको छ । अहिले पनि तीन हजार १२ जना सैनिक हिराशतमा छन् । सेनाले ६ सय ५६ जनालाई पक्राउ गर्न पूर्जी जारी गरेको छ ।

सेनाले मोबाइल लिएर हिड्नेलाई कडा खानतलासी गर्न थालेपछि म्यानमारबासी हैरान भएका छन् । दुई महिनायता सेनाले सत्ता हातमा लिएपछि म्यानमारमा प्रदर्शन चर्किएको छ । तर सेनाले आन्दोलन दबाउन गोली चलाउँदै सर्वसाधारणको हत्या गरिरहेको छ ।