भारत-चीन सीमामा फेरि हिमताल फुट्यो !

काठमाडौँ : भारत-चीन सीमा जोड्‍ने सडकमा पर्ने चमोली भन्‍ने ठाउँमा हिमताल फुटेको भारतीय सञ्‍चार माध्‍यमहरूले जनाएका छन् । समाचारअनुसार भारी हिमपातका कारण हिमताल फुटेको हुनसक्‍ने अनुमान छ । भारतीय प्रहरी अधिकारीकाअनुसार त्‍यहाँ कुनै सम्‍पर्क हुन सकेको छैन ।

उत्तराखण्ड प्रहरीले लगातार सम्‍पर्क गर्ने प्रयास गरिरहेको जनाएको छ । उद्दारका लागि प्रहरीले एक टोलीसमेत त्‍यसतर्फ पठाएको छ । तर, भारी वर्षा र खराब मौसमका कारण जटिलता थपिएको छ । सडक निर्माणको काम गरिरहेका मजदूरहरू सो क्षेत्रमा रहेको भारतीय सञ्‍चार माध्‍यम आजतकले उल्‍लेख गरेको छ।

---

समाचारअनुसार हिमताल फुटेपछि ऋषिगंगा नदीको बहाब दुई फिट बढेको छ । अहिलेसम्‍म कुनै क्षतिको विवरण प्राप्‍त भएको छैन । उक्‍त क्षेत्रमा केही दिनदेखि हिमपात भइरहको थियो ।

उत्तराखण्‍डका मुख्यमंत्री तीरथ सिंह रावतले घटनाका बारेमा ट्‍वीटमार्फत जानकारी दिएका छन् । उनले घटनाका विषयमा पूरै सहयोग गर्ने आश्‍वासन दिएका छन् । गत फेब्रुअरीमा पनि त्‍यहाँ हिमताल फुट्दा ७९ जनाको मृत्‍यु भएको थियो ।