बिल गेट्स दम्पत्तीको २७ वर्षपछि सम्बन्ध विच्‍छेद

काठमाडौँ : विश्वकै धनीमा लगातार एक नम्बरमा रहेर अहिले चौथोमा पुगेका माइक्रोसफ्टका संस्थापक बिल गेट्सले पत्नी मेलिन्डा गेट्ससँग सम्बन्ध विच्छेद गरेका छन् । बिलले सामाजिक सञ्जालमार्फत पत्नी मेलिन्डा सँगको सम्बन्धलाई पूर्णविराम दिएको जनाएका हुन् । 

२७ वर्षदेखि सँगै रहेका उनीहरू अब छुट्टिएर रहने छन् । वैवाहिक सम्बन्धले विश्राम पाएसँगै उनीहरूका तीन सन्तानबारेमा भने कुनै कुरा खुलाइएको छैन । ‘हामीले निकै सोचेर नै यो हाम्रो वैवाहिक सम्बन्धलाई अन्त्य गर्ने निर्णय गरेका हौँ,’ बिल गेट्सले ट्वीट गर्दै भनेका छन् । 

---

‘बिल एण्ड मिलिण्डा गेट्स फाउन्डेसन’ मार्फत उनीहरु समाज/मानव सेवामा पनि होमिएका थिए । सम्बन्ध विच्छेद भए पनि यो फाउन्डेसन भने अघि बढ्ने बिल गेट्सले बताएका छन् । 'हाम्रो सम्बन्धमा विश्वास गर्दैनौँ,' दुवै जनाको नाममा लेखिएको स्टाटसमा लेखिएको छ, 'हामीले गर्न सक्ने काम भने सँगसँगै गर्नेछौ ।'

गेट्सको माइक्रमेफ्ट कम्पनीले नै टाइपराइटरको युग अन्त्य गराएको हो । अहिले विश्वभर मानिसहरु विभिन्‍न मोडलका कम्प्युटर प्रयोग गर्छन त्यसका कार्यक्रमहरू माइक्रोसफ्टले तय गरेका हुन्छन । अहिले पनि विश्वका एक अर्बभन्दा बढि मानिसले नयाँ भर्सनको विन्डोज चलाउँछन् । अहिले विन्डोज १० सञ्‍चालनमा छ । 

१९८० को दशकबाट यसको उपयोग बढेको हो । त्यही दशकमा नै यो कम्पनीले आफूलाई अब्बल ठहर्‍याई सकेको थियो । सन् १९९५ पछि अफिस तथा घरमा पर्सनल कम्प्युटरको प्रयोगमा यसले विश्वमा नै बर्चश्व कायम गर्‍यो । त्यतिबेला विन्डोज ९५ ले विश्व बजार कब्जा गर्‍यो । कम्प्युटरलाई सहज बनायो । 

इन्टरनेटको प्रयोग बढ्दै जाँदा माइक्रोसफ्टले इन्टरनेट एक्सप्लोरको नाममा आफ्नो छुट्टै ब्राउजर पनि प्रयोगमा ल्याएर विश्व बजारमा आफू बलियो बन्यो। यसमा राज्यको मुद्दा समेत खेपे गेट्सले । अनि विस्तारै भिडियो गेमदेखि अनेकन कार्यक्रम र नयाँ भर्सन लिएर अझै विश्व बजारमा यो कम्पनी सक्रिय छ ।