कंगना रनावतको ट्वीटर एकाउन्ट निलम्बनमा

एजेन्सी : बलिउड अभिनेतृ पछिल्लो दुई दिन बंगालको चुनावमा दिएको टिप्पणीले गर्दा चर्चामा छिन् । पछिल्ला दुई दिनमा उनका केही ट्विटलाई 'आपत्तिजनक' मानिएको छ । अन्तत: कंगना रनावतको ट्विटर एकाउन्ट नै सधैका लागि निलम्बनमा परेको छ ।

बंगालको चुनावमा भारतीय जनता पार्टी (भाजपा)को हारपछि रुष्ठ कंगनाले लगातार ट्विट गरिरहेकी थिइन् । उनको ट्विटलाई धेरैले रिपोर्ट गरेपछि ट्विटरले निलम्बन गरेको हो । ट्विटरको आधिकारिक बयानमा कंगनाले 'हेटफूल कन्डक्ट पोलीसी' उल्लंघन गरेको ठहर छ ।



उनको ट्विटहरू सस्पेन्ड भएपछि ट्विटरमा नदेखिए पनि केही स्टाटस फेसबुकमा समेत हेर्न सकिन्छ । 
 

---