ब्राजिलमा कोभिड-१९बाट ४ लाख ३९ हजारभन्दा बढीको मृत्यु

एजेन्सी : ब्राजिलमा बुधबार मात्रै कोभिड-१९ सङ्क्रमणको कारण थप २ हजार ५१३ जनाको मृत्यु भएको छ । योसँगै यहाँका नागरिकको कोभिड मृत्यु हुनेको संख्या ४ लाख ३९ हजार ५० जना पुगेको हो ।

गत २४ घण्टामा ब्राजिलमा ७५ हजार जनाभन्दा बढी व्यक्तिमा कोरोना भाइरस सङ्क्रमणको पुष्टि भएको छ । ब्राजिलमा कुल संक्रमितको संख्या १ करोड ५७ लाख ३२ हजार पुगेको पनि यहाँको स्वास्थ्य मन्त्रालयका अधिकारीहरुले जानकारी दिएका छन् । ब्राजिलको साओ पाउलो सबभन्दा बढी कोभिड प्रभावित राज्यको रुपमा रहेको पनि सो समाचारमा जनाइएको छ । विश्वमा कोभिड संक्रमणको कारण सबैभन्दा बढी ज्यान गुमाउने राष्ट्रको रुपमा ब्राजिल हाल दोस्रो स्थानमा रहेको छ ।

---

कोभिडबाट ज्यान गुमाउनेमा अमेरिका पहिलो, ब्राजिल दोस्रो र भारत तेस्रो स्थानमा रहेको छ । तर, धेरै संक्रमित हुनेमा भने तेस्रो स्थानमा छ । विश्वमा कोभिडका सबैभन्दा धेरै नागरिक अमेरिकामा, दोस्रोमा भारत र तेस्रोमा ब्राजिलमा संक्रमित भएका छन् ।