पाकिस्तानमा रेल दुर्घटना, ३० जनाको मृत्यु

काठमाडौँ : पाकिस्तानको सिन्ध प्रान्तमा सोमबार बिहान दुई यात्रुबाहक रेल एक आपसमा ठोक्किँदा करिब ३० जना यात्रुले ज्यान गुमाएका छन् भने ५० जना घाइते भएका छन् । पाकिस्तानी अखबार डनका अनुसार दुर्घटना घोट्की जिल्लामा भएको हो ।

डनले रेल विभागका अधिकारीलाई उदृत गर्दै लेखेको छ, ‘सारगोढाबाट कराँची जाँदै गरेको मिलाट एक्सप्रेस नाम गरेको रेल र रावलपिन्डीबाट आउँदै गरेको सर सैयद नाम गरेको रेल एक आपसमा जुधेका हुन् ।’ 

---

दुर्घटनामा परेको मिलाट एक्सप्रेसभित्र च्यापिएका १५ देखि २० यात्रुलाई अझैँ निकालन नसकिएको पनि डनले आफ्नो रिपोर्टमा उल्लेख गरेको छ । रेलका डब्बाहरू पल्टिएका अवस्थामा रहेकोले च्यापिएका यात्रुहरुलाई निकाल्न अफठ्यारो भइरहेको छ । यद्यपि तीनलाई उद्दार गर्ने प्रयास भने जारी रहेको बताइएको छ । (पाकिस्तानी अबखार डनबाट)