दिल्लीकी मन्त्री आतिषीको खुलासा - भाजपामा नआए जेल जान तयार रहनु भन्ने धम्की आयो

काठमाडौँ - आम आदमी पार्टीकी नेता तथा दिल्लीकी मन्त्री आतिषीले भारतीय जनता पार्टीे (भाजपा) ले आफूलाई भाजपामा आउन आग्रह गरेको बताएकी छिन् । उनले भाजपाले कि भाजपामा आउन कि जेल जान तयार रहन भनेको खुलासा गरिन् । 

 उनले भनिन्, 'भाजपाले राजनीतिक करियर बचाउनको लागि भाजपामा अबद्ध हुन नभए कुनैपनि बेला पक्राउ पर्न तयार रहनु भनेर धम्की दिए ।'  

---

दिल्लीमा पत्रकार सम्मेलनलाई सम्बोधन गर्दै आतिशीले आफूलाई भाजपाले आफ्ना नजिकका सहयोगीहरूमार्फत पार्टीमा प्रवेश गर्नसमेत आग्रह गरेको बताएकी छिन् ।  

उनले आम आदमी पार्टीको एक जना सिपाही रहुञ्जेल देशका लागि लडिरहने प्रतिबद्धता जनाइन् । भाजपाले एक व्यक्तिको जेल हाले दशौं हजार मानिस अरविन्द केजरीवालको यस लडाँइमा सामेल हुने उनको दाबी छ । 
  
केहीदिन अघि भारतको वित्तीय अपराध अनुसन्धान निकायले राजधानी दिल्लीका मुख्यमन्त्री तथा आम आद्‌मी पार्टी (आप)का अध्यक्ष अरविन्द केजरीवाललाई पक्राउ गरेको थियो ।