अमेजनका पूर्व प्राविधिकले ह्याकिङमार्फत क्रिप्टोमा १२ मिलियन डलर चोरेपछि…

काठमाडौँ- करोडौं डलर क्रिप्टोकरेन्सी चोरेका अमेजनका एक पूर्व सफ्टवेयर इन्जिनियरलाई तीन वर्षको जेल सजाय सुनाइएको छ ।

दुई विकेन्द्रीकृत फाइनान्स प्लेटफर्म ह्याक गरेर करोडौं डलर क्रिप्टोकरेन्सी चोरेको स्वीकार गरेपछि सकिव अहमदलाई तीन वर्षको जेल सजाय सुनाइएको हिन्दुस्तान टाइम्सले जनाएको हो ।

---

गत डिसेम्बरमा आरोप स्वीकार गरेका साउदी अरबका आप्रवासी ३४ वर्षीय अहमदलाई अमेरिकी डिस्ट्रिक्ट न्यायाधीश भिक्टर मारेरोले सजाय सुनाएको ब्लूमबर्गले जनाएको छ ।

उनले विकेन्द्रीकृत वित्त (डेफी) प्लेटफर्मको 'स्मार्ट अनुबन्ध' मा त्रुटिहरूको फाइदा उठाउन नक्कली मूल्य निर्धारण डेटा प्रयोग गर्नुका साथै १२ मिलियन डलर नाफा देखाएर उक्त रकम क्रिप्टोकरेन्सीमा फिर्ता लिएको स्वीकार गरेका थिए ।