होन्डाले १० वर्षमा ईभी र सफ्टवेयरको लगानी ६५ बिलियन डलर पुर्‍याउने

काठमाडौँ- जापानी कम्पनी होन्डा मोटरले सवारीसाधनमा विद्युतीकरण र सफ्टवेयर विकासमा आगामी १० वर्षमा ६५ बिलियन अमेरिकी डलर लगानी गर्ने भएको छ ।

निकेइ एसियाले जनाएअनुसार होन्डाले चीनको जस्तै उच्च प्रतिस्पर्धी अटो बजारमा ईभीको द्रुत परिवर्तनमा आफूलाई सामेल गराउने उद्देश्यले सन् २०३१ सम्म ६५ बिलियन अमेरिकी डलर लगानी गर्ने योजना बनाएको हो ।

---

सन् २०२२ मा होन्डाले ईभी विकासका लागि बनाएको योजनाभन्दा दोब्बर लगानी हुने बताइएको छ । होन्डाले जनाएअनुसार दुई वर्षअघि गरिएको लगानीको निर्णय पर्याप्त नहुने भएको छ ।

होन्डाले सन् २०३० सम्ममा वार्षिक २० लाख विद्युतीय गाडी निर्माण गर्ने लक्ष्य राखेको छ । तीमध्ये उत्तर अमेरिका र चीनका लागि समान ७ लाख ५० हजार तथा अन्य स्थानका ५ लाख गाडी निर्माण गर्ने लक्ष्य लिएको छ ।