पञ्‍जाबको जालंधरबाट कांग्रेसका चरणजित सिंह चन्‍नी विजयी

काठमाडौँ - पञ्जाबको जालंधरबाट कांग्रेसका चरणजित सिंह चन्नी विजयी भएका छन् । पञ्जाबको जालंधर लोकसभा सिटमा राज्यका पूर्व मुख्यमन्त्री चरणजीत सिंह चान्नी विजयी भएका छन् ।

यस सिटमा कांग्रेस नेता चरणजीत सिंह चन्नीले भाजपाका सुशील कुमार रिंकुलाई १ लाख ७५ हजार ९९३ मतले पराजित गरेका छन् ।

---

चन्नीले ३ लाख ९० हजार ५३ मत पाएका छन् । यस सिटमा सन् १९९९ देखि २०१९ सम्म कांग्रेसको वर्चस्व थियो तर पछिल्लो चुनावमा यहाँबाट आम आदमी पार्टीले जित हासिल गरेको थियो ।

पञ्जाबमा कुल १३ लोकसभा सीटहरू छन्। चन्नीको जितपछि बाँकी रहेका १२ सिटमध्ये कांग्रेस ६, आम आदमी पार्टी ३, शिरोमणि अकाली दल १ र २ सिटमा स्वतन्त्र उम्मेदवारले अग्रता लिएको छ ।