बेलायतमा बीमा रकम हत्याउन २२ करोडको घडीको नक्कली चोरी

काठमाडौँ- गत वर्ष मे २५ मा दक्षिण–पश्चिम लण्डनको एक पसलबाट करिब २२ करोड रुपैयाँको महँगो लग्जरी घडी लुटिएको खबर बाहिर आएको थियो । 

यो खबर विश्वभर हेडलाइन बनेको थियो तर अहिले करिब ८ महिनापछि यो लुटपाट ‘योजनाबद्ध’ ढंगले भएको खुल्न गएको छ ।

---

यस चोरी घटनामा पसलका म्यानेजरसहित अन्य कर्मचारी र पसल मालिकको पनि संलग्नता रहेको पाइएको छ । दुःखको कुरा के छ भने पसलका म्यानेजरले पछि आत्महत्यासमेत गरेका थिए । अदालतमा मुद्दाको सुनुवाइका क्रममा यो कुरा बाहिर आएको हो ।

मिडिया रिपोर्टका अनुसार लन्डनको ठूलो सहर र भर्जिनियाको राजधानी रिचमण्डमा जुनियर कुन (३० वर्ष) र म्यानिक्स पेड्रो (३७ वर्ष) ले गत वर्ष मे २५ मा २४७ केटलबाट ७० वटा लक्जरी घडी चोर्ने षड्यन्त्र गरेको अस्वीकार गरेका थिए ।  ‘हामीले बारम्बार भन्यौं, ‘यो डकैती होइन, यो एउटा षड्यन्त्र थियो,’ वुलविच क्राउन कोर्टमा बयान दिँदै कुनुले भने । उनले झोलामा घडी राखे बापत ५ हजार पाउण्ड पाउने सर्त राखिएको थियो ।

न्यायाधीशहरूलाई पहिले भनिएको थियो कि स्टोरको अफिस म्यानेजर, २७, ओलिभर ह्वाइटले घटनाको भोलिपल्ट आत्महत्या गरेको थिए । कुनुले अदालतमा आफूलाई एक प्रकारको बीमा घोटाला हो भनी नक्कली डकैतीमा भाग लिन भर्ती गरिएको बताएका थिए । बीमा कम्पनीबाट पैसा लिनको लागि यो षडयन्त्र रचिएको थियो। उनले यो साँचो चोरी हो भन्ने विश्वास गरेको भए आफूले यसमा भाग नलिने बताए ।

उनले अदालत सामु भने, ‘मलाई थाहा थियो कि पसलका व्यक्तिले मेरो कुरा सुन्नेछन्। मलाई थाहा थियो कि म झोलामा घडी राख्नेछु र मैले अरू केही गर्नुपर्दैन।’