काठमाडौं– सानिमा बैंकले सानिमा डबल धमाका मुद्दती खाता सार्वजनिक गरेको छ । बैंकले नयाँ वर्ष २०७९ को उपलक्ष्यमा आफ्ना ग्राहकहरुलाई यस्तो खाता सर्वजनिक गरेको जनाएको छ । 

सानिमा डबल धमाका मुद्दती खाता व्यक्तिगत ग्राहकहरुलाई लक्षित गरी ल्याइएको यस मुद्दतीमा ग्राहकहरुले न्यूनतम  ५ लाख सम्मको मुद्दती खोल्न सक्ने बैंकले जनाएको छ । 

‘ग्राहकहरुले यो योजनामा उक्त रकम साढे ६ बर्षमा दोब्बर भएर शत प्रतिशत प्रतिफल प्राप्त गर्न सक्नेछन्‘ बैकले जारी गरेको विज्ञप्तीमा लेखिएको छ ‘मुद्दती निक्षेप रकम परिपक्वता पश्चात् दोब्बर भई भुक्तानी गरिनेछ । प्रतिफलमा लाग्ने कर रकम ग्राहकहरू स्वयंले व्यहोर्नु पर्नेछ ।’  

ग्राहकहरुलाई व्यवहारिक कार्यका लागि रकम आवश्यक परेमा ९० प्रतिशतसम्मको ऋण लिन सक्नेछन् । ग्राहकले  २ सम्मको लाख सम्मको निःशुल्क क्रेडिट कार्डको लागि आवेदन दिन सक्ने बैकले जनाएको छ । यसका साथै उक्त योजना अन्तर्गत एक भन्दा बढी मुद्दती खाताहरू समेत खोल्न सक्नेछन् ।