दुई राजदूतद्वारा ओहोदाको प्रमाणपत्र पेस
फागुन ३, २०७७
काठमाडौँ : राष्ट्रपति विद्यादेवी भण्डारीसमक्ष नेपालका लागि इस्लामीक गणतन्त्र पाकिस्तान र अष्ट्रेलियाका राजदूतहरूले आज आ-आफ्ना ओहोदाको प्रमाणपत्र पेस गरेका छन् । राष्ट्रपति भवन, शीतल निवासमा आज आयोजित विशेष समारोहमा पाकिस्तानी राजदूत सैद हैदर शाह र अष्ट्रेलियाका राजदूत फेलिसिटी जेन भल्कले प्रमाणपत्र पेश गरेका हुन् । सो अवसरमा परराष्ट्रमन्त्री प्रदीपकुमार ज्ञवाली, नेपाल सरकारका उच्चपदस्थ अधिकारीलगायतको उपस्थिति थियो ।
