काठमाडौँ : खिम्ती-ढल्केबर २२० केभी आयोजनाको दोस्रो सर्किटको प्रसारणलाइनको निर्माण सम्पन्न भएको छ । दुई लाख २० हजार भोल्ट क्षमताको विद्युत् प्रवाह गरी आजबाट परीक्षण सुरु हुने भएको छ । 

दोलखाको किर्नेदेखि धनुषाको ढल्केबरसम्म रहेको सबस्टेशनसम्म दोस्रो सर्किटको प्रसारण लाइनबाट परीक्षण हुने आयोजनाले जानकारी दिएको छ । सफल परीक्षणपछि प्रसारण लाइन सञ्चालनमा ल्याउने उल्लेख छ । 

यी ठाउँमा रुट पर्नेछन् :
- धनुषाको मिथिला नगरपालिकास्थित ढल्केवर, जमुनेवास, लालगढ, तुल्सी, बाहुनमारा लगायतका क्षेत्रमा

- महात्तरीको गौरीबास नगरपालिकास्थित कालापानी,

- सिन्धुलीको कमलामाई नगरपालिकास्थित भिमान, पाण्डेसी, बागमारा, सिस्नेरी, कर्कर, माईस्थान, बेल्टारी,

- बेलगाछी, फाल्चुली, फिटिङ बुका, ठुलीटार, माझिटार, बर्देउटार, अँध्यरी, च्यांकोट, चियाबारी, मुढेखर्क, 
ढुङ्ग्रेभञ्जयाङ, गढी लगायतका क्षेत्र)

- सिन्धुलीकै गोलन्जोर गाउँपालिका (बाटो निगाले, विजयछाप, माथिल्ला बसी, खुर्कोट, मुलपानी
लगायतका क्षेत्र)

- रामेछापको मन्थली नगरपालिका (बेतिनी, कुभिण्डे, भलुवाजार, मच्छेडाँडी, मन्थली, टेकनपुर, खिम्तीबसी,
अम्बासेफाँट, गेलु लगायतका क्षेत्र)

- मेछापकै लिखु तामाकोसी गाउँपालिकास्थित कठजार, ढ्याङ्ग्रे, हलदे, तिल्पुङ

- दोलखाको किर्नेटार