कालिकोटमा जीप दुर्घटना : एक जनाको मृत्यु, तीन घाइते
असार २२, २०७८
कालिकोट : कालिकोटको शान्तिघाटमा जीप दुर्घटना हुँदा एक जनाको मृत्यु भएको छ । रास्कोटबाट जितेगडाका लागि छुटेको ग १ ज २३ नम्बरको जीप शान्तीघाटको ओरालो बाटमा दुर्घटना हुँदा एक जनाको मृत्यु भएको हो ।
मृत्यु हुनेमा सान्नीत्रिवेणी गाउँपालिका ३ की ३५ वर्षीया पम्फा फडेरा छिन् । उनको घटनास्थलमै मृत्यु भएको जिल्ला प्रहरी कार्यालय कालिकोटका डिएसपी चक्रबहादुर शाहले जानकारी दिए । दुर्घटनामा ३ जना घाइते भएका छन् । केहीबेरअघि घटनास्थल पुगेको प्रहरीले उद्धार सुरु गरेको जनाएको छ । दुर्घटनाको कारण खुलेको छैन ।
