काठमाडौँ :  शासन सत्ता आफ्नो हातमा लिएपछि बर्माका सैनिक प्रमुख पहिलो पटक अन्तर्राष्ट्रिय भ्रमणमा निस्केका छन् । गत फेब्रुवरी १ मा ‘कू’ मार्फत जन निर्वाचित सत्ता हत्याएपछि कयाैँ नागरिकको ज्यान लिएका सेना प्रमुख मिन आङ इन्डोनेसिया पुगेका हुन् ।

सेना प्रमुख आङले त्यहाँ एसियाली नेतृत्वसँग भेटघाट गर्नेछन् । दक्षिण पूर्वी एसियाली क्षेत्रीय संगठन (आसियन)को शिखर सम्मेलनमा सहभागि हुन उनी इन्डोनेसियाको राजधानी जाकार्ता गएका हुन् । नेतृ आङ साङ सूकीसहित शीर्ष नेताहरूलाई हिरासतमा राखेका सेना प्रमुख मिनको यो पहिलो विदेश भ्रमणले उनको विश्वास थप बढाउने निश्चित रहेको विदेशी सञ्‍चार माध्यमले जनाएका छन् ।

आफ्नो निर्वाचित सरकारलाई अपदस्त गरेर शासन सत्ता हातमा लिएका उनले आफ्ना निर्दोश नागरिकलाई अत्याधिक बल प्रयोग गरेर हत्या गरिरहेका छन् । बर्मेली सेनाको व्यापक विरोध भइरहेको छ । निर्वाचित नेताहरूको रिहाईको माग गर्दै दिनहुँ प्रर्दशन भइरहेको छ । त्यही पर्दशनमा आठ सय जति बर्मेलीले ज्यान गुमाई सकेका छन् ।

पछिल्लो समय सुरक्षाकर्मीले प्रदर्शनकारीमाथि अत्यधिक बल प्रयोग गरेकाले अन्तर्ष्ट्रिय समुदायले चिन्ता व्यक्त गरिरहेका छन् । तर, छिमेक लगायत मुलुकले भने बर्मेली सेनाको कदमलाई साथ दिए झै बिम्स्टेकमा मन्त्री स्तरीय बैठकमा पनि केही सोधिएन । अहिले आसियानको सम्मेलनमा पनि सहभागितामा निम्ता गरिनु वा अहिले नै सम्मेलन गर्नुले त्याहाँको कदमलाई स्वीकार गर्नु भए जस्तै हो आम सर्वसाधारणको धारणा छ ।  

यद्यपि सम्मेलन अघिको मन्त्रीस्तरीय बैठकमा बर्मामा प्रजातन्त्रको पुर्वाहलीको  लागि छलफल हुने भन्ने विषयमा मत बाझिएको छ । त्यहाँ अहिलेको कदमबारे केही नबोल्ने तर्फ अधिक मुलुक देखा परेकाेबाट स्पष्ट हुन्छ  सम्मेलनमा पनि त्यस्तो विषय झिनो आवाजमा उठ्नेछ । 

सेना प्रमुख मिनले सम्मेलनमा जानेबारे भने केही नबताए पनि उनी त्यसतर्फ प्रस्थान  गरेका छन् । दश दक्षिण पूर्वी एसियाली मुलुकहरू रहेको यो संगठनका अधिकांश मुलुकले बर्मेली सेनाको कदमको विरोध गर्दै आएका छन् । तर, उनै सेना प्रमुखलाई निम्त्याएर कुन प्रकारको सम्मेलन र विरोध गर्न खोजेका हुन त्यो अनौठो झै देखिएको छ ।