सृष्टिको अभीनित ‘राधा’को प्रदर्शन मिति हेरफेर , प्रदीपको 'प्रकाश'सँग जुध्दै

काठमाडौँ - भदौ २४ लाई प्रदर्शन मिति सार्वजनिक गरेर पोस्ट प्रडक्सनमा रहेको ‘राधा’ प्रिपोन्ड भएको छ । सुवर्ण थापा निर्देशित यो फिल्म अब भदौ १० मा रिलिज हुनेछ । थिएटर पृष्ठभूमिकामा कलाकारको बाहुल्य रहेको फिल्म अब प्रदीप खड्काको मुख्य अभिनय रहेको ‘प्रकाश’सँगै रिलिज हुनेछ ।

निर्माण टिमले नयाँ पोस्टरसँगै नयाँ प्रदर्शन मिति सार्वजनिक गरेको हो । पोस्टरमा सृष्टिले बच्चा बोकिरहेकी छिन् । यसअघि यही मितिमा खगेन्द्र लामिछाने निर्देशित ‘पानीफोटो’ पनि प्रदर्शनमा आउने गरी घोषणा भएको थियो ।

‘पानीफोटो’ यो मितिमा नआउने भएसँगै  ‘राधा’ले प्रदर्शन मिति दुई हप्ता अगाडि सारेको हो । तर ‘पानीफोटो’ टिमले अहिलेसम्म प्रदर्शन सरेको घाषणा भने गरिसकेको छैन । सौगात मल्लसमेत निर्माता रहेको फिल्ममा सौगातबाहेक सृष्टि श्रेष्ठ, खगेन्द्र लामिछाने, मेनुका प्रधान, दिव्यदेव पन्त, वुद्दि तामाङ, निश्चल बस्नेत, दयाहाङ राई आदिको अभिनय देख्‍न सकिन्छ ।