भेरी नदीमा दुई युवक बेपत्ता

सुर्खेत- भेरी नदीमा वनभोज खान गएका सुर्खेतका दुई युवक बेपत्ता भएका छन् । आज भेरीगंगा–२ सत्तरी नजिकै पिकनिक गएका दुई युवक भेरी नदीमा बेपत्ता भएका हुन् ।

जिल्ला प्रहरी कार्यालय सुर्खेतका अनुसार दिउँसो साढे १ बजे वनभोजकै क्रममा पौडी खेल्न गएका वीरेन्द्रनगर–३ का १८ वर्षीय दीपक थापा र १८ वर्षीय चन्द्र बिसी बेपत्ता भएका हुन् ।

उनीहरू लगायतको समूह भेरीगंगा नगरपालिकाको सत्तरी नजिकै पिकनिक खान गएका थिए । बेपत्ता भएकाहरूको खोजी भइरहेको जिल्ला प्रहरी कार्यालय सुर्खेतले जनाएको छ ।