अहिलेसम्म संसदीय समितिले नेतृत्व पाउन नसक्नु दुःखद : नेम्वाङ

काठमाडौँ- नेकपा एमाले संसदीय दलका उपनेता एवं उपाध्यक्ष सुवासचन्द्र नेम्वाङले अहिलेसम्म पनि संसदीय समितिले नेतृत्व पाउन नसक्नु दुःखद भएको बताएका छन् ।

शुक्रबार सिंहदरबारमा बसेको कानुन, न्याय तथा मानव अधिकार समितिको बैठकमा बोल्दै उनले यस्तो बताएका हुन् । उनले आफूलाई दलका नेताहरूले असार अन्तिमसम्ममा समितिले नेतृत्व पाउँछ भनेको भए पनि समय कटिसक्दा पनि समिति नेतृत्वविहीन हुन राम्रो नभएको बताए । उनले समितिको नेतृत्व जति सक्दो चाँडो हुनुपर्ने बताए ।

सांसद नेम्वाङले जुम्लामा भएको घटनाको विषयमा छानबिन गर्न उपसमिति बनाइहाल्न आवश्यक नरहेको तर घटनाको अनुसन्धानका लागि समिति सभापतिको नेतृत्वमा केही प्रक्रिया सुरु गर्न सकिने बताए ।