रंगिँदैछ ग्वार्को फ्लाई ओभर, असार ६ गतेदेखि सञ्चालनमा आउने (फोटो फिचर)

काठमाडौँ- ललितपुरको ग्वार्कोस्थित ग्वार्को फ्लाई ओभरको काम अन्तिम चरणमा पुगेको छ । ग्वार्को फ्लाई ओभर असार ६ गतेदेखि सञ्चालनमा आउने भएको छ ।

अहिले ग्वार्को फ्लाई ओभरमा धमाधम रंगरोगनको काम भइरहेको छ ।

आशिष-समानान्तर-रेलिगेर जेभी कम्पनी ग्वार्को फ्लाई ओभर बनाएको हो ।

शनिबार भौतिक पूर्वाधार तथा यातायात मन्त्री देवेन्द्र दाहाल सहित सडक विभागको नेतृत्वले स्थलगत निरीक्षण गरेको थियो । निरीक्षणका क्रममा मन्त्री दाहालले सो फ्लाई ओभर निर्माणको कार्य नौलो अभ्यास भएकाले केही ढिला भएको बताएका थिए । 

निरीक्षणका क्रममा सडक विभागका महानिर्देशक डा.विजय जैशीले मुख्य संरचनाहरुको निर्माण पूरा भएको र अब केहिदिन भित्रमा नै सार्वजनिक यातायात सञ्चालन गरिने बताएका थिए । 

सो फ्लाई ओभर सञ्चालनमा आएपछि कोटेश्वर तथा ग्वार्को क्षेत्रको यातायात सञ्चालन सहज हुने अपेक्षा गरिएको छ ।