साफ च्याम्पियनसिप नेपाली टेलिभिजन च्यानलमा प्रत्यक्ष प्रशारण नहुने

काठमाडौँ- माल्दिभ्सको राजधानी मालेमा शुक्रबारबाट सुरु हुने साफ च्याम्पियनसिप २०२१ को नेपालमा प्रत्यक्ष प्रशारण नहुने भएको छ । अखिल नेपाल फुटबल संघ (एन्फा)का अनुसार कुनै पनि नेपाली टेलिभिजन च्यानलले साफ च्याम्पियनसिपको प्रशारण अधिकार नकिनेकाले नेपाली दर्शकले नेपाली टेलिभिजनमा प्रत्यक्ष प्रशारण हेर्न नपाउने भएका हुन् । 

गत सेप्टेम्बर २४ मा एन्फाले प्रशारण अधिकार बिक्री सम्बन्धी सार्वजनिक सूचना जारी गरेको तर कसैले पनि प्रस्ताव पेश नगरेको बताइएको छ । प्रशारण अधिकार खरिदका लागि कमसेकम ४० लाखको प्रस्ताव पेश गर्नुपर्ने एन्फाको शर्त थियो । 

साफ च्याम्पियनसिपमा नेपालले आफ्नो पहिलो खेलमा माल्दिभ्सको सामना गर्दैछ । खेल नेपाली समय अनुसार राति ९ः४५ माल्दिभ्सको राष्ट्रिय रंगशालामा हुनेछ ।