साफ च्याम्पियनसिपः उद्घाटन खेलमा बंगलादेश विजयी

काठमाडौँ- माल्दिभ्सको मालेमा शुक्रबारबाट सुरु साफ च्याम्पियनसिप २०२१ को पहिलो खेलमा बंगलादेश विजयी भएको छ । माल्दिभ्सको राष्ट्रिय रंगशालामा भएको उद्घाटन खेलमा बंगलादेशले श्रीलंकामाथि १–० को साँघुरो जित दर्ता गर्‍यो । 

बंगलादेशको जितमा एक मात्र गोल टोपु बर्मनले गरे । बर्मनले दोस्रो हाफको ५५ औँ मिनेटमा गोल गरेका थिए । शुक्रबारको दोस्रो खेलमा नेपालले आयोजक माल्दिभ्सको सामना गर्ने तालिका छ । यो खेल नेपाली समय अनुसार ९ः४५ मा हुनेछ ।