रविन तामाङको स्वरमा‘चिसो एष्ट्रे’को शीर्ष गीत सार्वजनिक (भिडियोसहित)

चलचित्र ‘चिसो एष्ट्रे’को शीर्ष गीत सार्वजनिक सार्वजनिक गरिएको छ । रविन तामाङको स्वरमा रहेको गीत सार्वजनिक गरिएको हो । तामाङ यो चलचित्रमा लामो समयपछि पर्दामा देखिँदैहुनुहुन्छ ।

योचलचित्रमा तामाङको अभिनय मात्र नभएर होइन गीत पनि गाउनु भएको हो । उहाँकै शब्द तथा सङ्गीत रहेको चलचित्रको शीर्ष गीत शुक्रबार नेपाल फिल्म क्याम्पसका विद्यार्थीबीच सार्वजनिक गरिएको थियो । अङ्ग्रेजीमा गाइएको ‘चिसो एष्ट्रे’ बोलको गीतले युवाहरूको जीवन शैलीलाई अभिव्यक्त गरेको छ ।

गीत सार्वजनिक कार्यक्रममा उपस्थित तामाङले चलचित्रले देखाउन खोजेको कुरालाई गीतले सार संक्षेपमा व्यक्त गर्ने प्रयास गरेको बताउनुभयो । ‘दिनेशले बनाएको चलचित्रलाई मैले गीतमा समअप गरेको हो । धेरैपछि आफ्नो गीत सार्वजनिक हुँदा एक्साइटेड फिल गरिरहेको छु’, उहाँले भन्नुभयो ।

चलचित्रको टिम र फिल्म कलेजका विद्यार्थीबीच अन्तक्र्रिया पनि भएको थियो । विद्यार्थीमाझ अन्तक्र्रिया गर्दै टिमले आफूहरूले सहरसँग लय मिलाउन नसक्ने युवाको कथालाई पर्दामा उतार्ने जमर्को गरेको बताएका थिए । यो चलचित्र होलीको भोलिपल्ट अर्थात चैत ४ गतेदेखि सिनेमाघरमा आउँदै छ ।