हेमन्त शर्माको नयाँ गीत ‘सयौं जूनी’ बजारमा

गायक हेमन्त शर्मा नयाँ गीत लिएर बजारमा आएका छन् । आफ्नै शब्द संगीतमा गायक शर्माले ‘एकै जुनी हैन’बोलको गीत बजारमा ल्याएका हुन् । यो गीत मार्फत पछिल्लो समयकी गायिका अस्मिता अधिकारीसँग हेमन्तले सहकार्य गरेका छन्। अस्मिता र हेमन्तको यो पहिलो सहकार्य हो। गीतमा प्रेम र समर्पणको भाव समेटिएको छ। गीतको म्यूजिक भिडियो पनि सार्वजनिक भएको छ।

श्यामश्वेत रसाइलीको संगीत संयोजन रहेको गीतको म्यूजिक भिडियो निर्देशन निकेश खड्काले गरेका हुन्। म्यूजिक भिडियोमा अभिनेता आकाश श्रेष्ठ र मोडल रियासा दाहालले अभिनय गरेका छन्। पारिवारिक प्रेमकथा प्रस्तुत गरिएको म्यूजिक भिडियोमा आकाश र रियासा निक्कै खुलेका छन्।