बिस्का जात्रामा झुमेकाे भक्तपुर (फाेटाे फिचर)

भक्तपुर : बिस्का जात्राकाे पहिलाे दिन प्यागोडा शैलीमा काठैकाठले निर्माण गरिएको तीनतले भैरवनाथको रथ तानिएकाे छ । भक्तपुरको तःमारी(टौमढी)स्थित ङातापोल मन्दिरको आँगनमा शनिबार साढे तीन बजेदेखि रथ तान्‍न सुरु भएको थियाे ।

तान्त्रिक विधिपूर्वकपूजा गर्दै रथमा भैरवनाथको मूल देवता र बेताल देवतालाई बिराजमान गराई खड्ग, तरवार, निशान राखी सकेपछि परम्परा अनुसार गः हिटीबाट माथिल्लो र तल्लो भेगका बासिन्दाले रथ तानेका थिए । एक घण्टा रथ तानेपछि भैरवनाथको रथ तल्लाे भेगकाले जितेर लगेका छन् ।