सुनसान बागमती: देखिँदैनन् मलामी, सेनाको सलामीमै अन्त्यष्टि (फोटो फिचर)

पछिल्लो १२ दिनमा कोभिड कारण साढे तीन सय बढीले ज्यान गुमाएका छन् । ज्यान गुमाउनेको संख्या बढ्दै गएपछि पशुपति आर्यघाटमा दाहसंस्कार गर्न पनि कठिनाइ हुन थालेको छ । मृत्यु हुनेको संख्या बढेसँगै विद्युतीय शवदाह गृहभन्दा बाहिर पनि शव जलाउन थालिएको छ । मृत्यु भएकाहरूको अन्त्येष्टि नेपाली सेनाको टोलीले गर्दै आएको छ ।

सुनसान जस्तो देखिने बागमती किनारमा आजभोलि दैनिक दर्जनौंको अन्त्यष्‍टि हुन्छ । त्यहाँ कोही मलामी देखिन्छन् न कोही आफन्त रोइकराई गरेको सुनिन्‍छ। बस नेपाली सेनाका जवानले सलामी दिन्छन् उनै मलामी बन्छन् र अन्‍त्‍यष्‍टि गरिन्‍छ कोभिड संक्रमणका कारण ज्‍यान गुमाएकाहरूको । 

तस्बिरः स्वरुप कोइराला