राजधानीमा राप्रपाको विरोध सभा (फोटो फिचरसहित)
हिन्दु राष्ट्र र राजसंस्था पुनर्स्थापित गर्न कमल थापाको माग
काठमाडौँ : राष्ट्रिय प्रजातन्त्र पार्टी (राप्रपा) ले राजसंस्था र हिन्दु राष्ट्र पुनर्स्थापनाको माग गर्दै शुक्रबार काठमाडौँमा विरोध प्रदर्शन तथा सभा गरेको छ । राजधानीका विभिन्न स्थानबाट र्याली निकालेर राप्रपाले रत्नपार्कमा सभा गरेको हो ।
सभालाई राप्रपा अध्यक्ष कमल थापाले सम्बोधन गरे । सभालाई सम्बोधन गर्दै अध्यक्ष थापाले सर्वपक्षीय सम्मेलनमार्फत हिन्दु राष्ट्र र राजसंस्था पुनर्स्थापित गर्न माग गरे । नभए जनताले सडकबाटै आफ्ना मान्यता स्थापित गर्ने उनले चेतावनी दिए ।
उनले भने, ‘हिजो कठिन घडीमा राप्रपाले बोकेर हिड्यो होला । अब आम नेपालीको एजेण्डा बनिसकेको छ । कसैले चाहे पनि नचाहे पनि घरघरमा चर्चा हुन थालेको छ । सर्वपक्षीय सम्मेलनमार्फत हिन्दु राष्ट्र र राजसंस्था पुनर्स्थापित गर्नुपर्छ । अन्यथा जनताले सडकबाटै आफ्ना मान्यताहरूलाई स्थापना गर्नुपर्ने परिस्थिति निर्माण हुन्छ । राप्रपा त्यका निम्ति तयार रहेको छ ।’
तस्बिर : सुजल बज्राचार्य
