रामेश्वरभन्दा साढे सात हजार मतले अगाडि सुनिता

काठमाडौँ– काठमाडौँ महानगरपालिकाको उपमेयरमा सुनिता डंगोलले फराकिलो मतान्तरले अग्रता कायम गरेकी छिन् । हालसम्मको मतगणनामा उनले १० हजार ४७७ मत ल्याएर अग्र स्थानमा छिन् । 
उनका प्रतिस्पर्धी नेकपा एकीकृत समाजवादीका रामेश्वरले अहिलेसम्म जम्मा ३ हजार ४८ मत ल्याएका छन् । डंगोल र श्रेष्ठ बीच ७ हजार ४२९ मतान्तर छ । 
त्यस्तै राप्रपाकी बिनिता मगैयाले २ हजार २०२ मत ल्याएकी छिन् भने विवेकशील साझाकी कृति कंसाकारले ३ सय ९६ मत ल्याएकी छिन् ।