पर्यटन

मनकामना केबुलकार नियमित सञ्चालनमा

इकागज | असोज ३०, २०७८

काठमाडौँ - मनकामना केबुलकार आजदेखि नियमित सञ्चालनमा आएको छ । नेपालीको मुख्य चाड बडादसैँको महानवमी र विजयादशमीका दिन सेवा बन्द गरिएको केबुलकार आजदेखि नियमित सञ्चालनमा आएको हो । 

विगतकम वर्षमा दसैँमा तीन दिन बन्द गरिँदै आएकामा यस वर्ष भने महानवमी र विजयदशमी दुई दिन मात्र बन्द गरिएको मनकामना दर्शन प्रालिका नायब महाप्रबन्धक उज्जवल शेरचनले बताए । 

गोरखाको प्रसिद्ध धार्मिक स्थल मनकामना मन्दिर दर्शन गर्न जाने दर्शनार्थीको सहजताका लागि सञ्चालन गरिएको नेपालकै पहिलो केबुलकार मनकामना केबुलकार कोरोना भाइरस सङ्क्रमण जोखिमका कारण बन्द भएपछि २०७८ भदौ २३ गतेदेखि खुलेको हो । 

गत भदौ २३ देखि असोज २७ गतेसम्म ५५ हजार मानिसले केबुलकारबाट सेवा लिएको नायब महाप्रबन्धक शेरचनले बताए । 

नेपालको पर्यटन अन्तर्राष्ट्रियस्तरमा चिनाउन 'साथसाथै' पेशागत महिलाहरु

इकागज | असोज २१, २०७८

पोखरा - विभिन्न क्षेत्रका महिलाहरुले अन्नपूर्ण आधार शिविर पुगेर नेपालको पर्यटन क्षेत्रलाई थप प्रवद्र्धन ग…