सुदूरपश्चिम

वर्षाका कारण भाइरल ज्वरोका बिरामी बढे

इकागज | साउन २१, २०७८

बैतडी : मौसममा आएको परिवर्तनसँगै बैतडीमा भाइरल ज्वरोका बिरामी बढ्दै गएका छन् । सदरमुकाममा रहेको जिल्ला अस्पताल र जिल्लाका अन्य स्वास्थ्य संस्थामा भाइरल ज्वरोका बिरामी बढ्दै गएका हुन् ।

जिल्ला अस्पतालमा हाल दैनिक ६० भन्दा बढी बिरामी आउने गरेको अस्पतालका प्रमुख डा वसन्तराज जोशीले जानकारी दिए । उनले भने, “केही दिनयता अस्पतालमा बिरामीको सङख्या बढ्दै गएको र उपचारका लागि आउने बिरामीमध्ये अधिकांश भाइरल ज्वरो र रुघाखोकीका छन् ।”

उपचारका लागि आउने बिरामीमध्ये धेरैजसो ज्वरो र रुघाखोकी आउने श्रीकोट स्वास्थ्य चौकीका प्रमुख वीरसिंह भाटले बताए । उनले भने, “स्वास्थ्य चौकीमा आउने बिरामीमध्ये धेरै ज्वरो र रुघाखोकी आएका छन् ।”

मौसममा आएको परिवर्तन र निषेधाज्ञा खुकुलो भएसँगै ज्वरोका बिरामी बढेका डा जोशीको भनाइ छ । “निषेधाज्ञा खुकुलो भएको छ, बजार क्षेत्रमा भीडभाड बढ्यो, मास्क लगाउनेको सङख्यामा कमी आएको छ, यसले पनि ज्वरोका बिरामी बढेका हुन्”, उनले भने, “मौसम परिवर्तन भएको छ, निरन्तर वर्षा भइरहेको छ, दुषित पानीको प्रयोगले पनि यो समस्या आएको हो ।”

वर्षातको समयमा पानीका मुहान दुषित हुने भएकाले पानी शुद्धिकरण गरेर मात्रै प्रयोग गर्न तथा पानी उमालेर पिउन डा जोशीको आग्रह रहेको छ । साथै निषेधाज्ञा खुकुलो भएसँगै भीडभाड  बढेको, मास्क र अन्य स्वास्थ्य सुरक्षाका मापदण्ड पालना गर्न पनि आग्रह गरिएको छ । यस्तै व्यक्तिगत र वातावरणीय सरसफाइमा पनि विशेष ध्यान दिन स्वास्थ्यकर्मीले सुझाएका छन् । रासस

जयसिंह धामी बेपत्ता प्रकरण : छानबिन समितिको टोली घटनास्थलमा

इकागज | साउन २१, २०७८

दार्चुला- जयसिंह धामी बेपत्ता भएको घटनाको छानबिन गर्न दार्चुला पुगेको गृह मन्त्रालयको छानबिन समितिको टोली…

एमालेले सत्ताबाट बाहिरिएपछि पनि लालपूर्जाको लोभ देखाइरहेको छ  : साउद

इकागज | साउन २०, २०७८

कञ्चनपुर - प्रमुख सत्तारुढ दल नेपाली कांग्रेसका केन्द्रीय सदस्य एनपी साउदले नेकपा एमालेले सत्ताबाट बाहिरिसक…

जयसिंह धामी बेपत्ता प्रकरण : दार्चुला पुगेको छानबिन समितिले छलफल गर्दै

इकागज | साउन २०, २०७८

दार्चुला- जयसिंह धामी बेपत्ता भएको घटनाबारे अध्ययन गर्न गठित छानबिन समितिले आफ्नो काम सुरु गरेको छ । मङ्ग…

आरक्ष पीडितको समस्या समाधान गर्न प्रधानमन्त्रीसँग कुरा गर्छु : साउद

इकागज | साउन १९, २०७८

काठमाडौँ - नेपाली कांग्रेसका केन्द्रीय सदस्य एनपी साउदले आरक्षपीडितका समस्या समाधान गर्न प्रधानमन्त्री शेरबहा…

सत्यतथ्य छानबिन गरेर प्रतिवेदन बुझाउन सचिवलाई गृहमन्त्रीको निर्देशन

इकागज | साउन १५, २०७८

काठमाडौँ - गृहमन्त्री बालकृष्ण खाणले गृहसचिव महेश्वर न्यौपानेलाई दार्चुलाको व्यास गाउँपालिका–२ मालघा…