वार्ता

१‍८ वर्षदेखि सडकबाट प्रश्‍न सोधिरहेका बम अब सदनबाट सोध्‍न चाहन्छन् (भिडियो)

इकागज | असार ८, २०७९

गत वैशाख ३० मा स्थानीय तह निर्वाचन सम्पन्‍न भयो । अब संघीय र प्रादेशिक चुनाव आगामी मंसिरभित्र सम्पन्‍न गर्नुपर्नेछ । 

दलहरूबीच चुनावको मितिलाई लिएर एकमत हुन नसके पनि थुप्रै स्वतन्त्र उम्मेदवारहरूले आगामी निर्वाचनमा उम्मेदवारी घोषणा गरिसकेका छन् । यही क्रममा पुकार बमले पनि आफ्नो उम्मेदवारी घोषणा गरेका छन् । 

पेशाले समाजशास्त्रका अध्यापक बमले काठमाडौँ- १ मा प्रतिनिधि सभा सदस्यका लागि स्वतन्त्र उम्मेदवार दिने बताएका छन् । उनी विगत १८ वर्षदेखि विभिन्‍न सामाजिक, सांस्कृतिक, आर्थिक तथा राजनीतिक अभियानहरूमा सक्रिय छन् । 

उनी चिकित्सा शिक्षा सुधारका अभियन्ता डा. गोविन्द केसीले गर्ने हरेक सत्याग्रहमा सधैँ अग्रपंक्तिमा रहेका छन् । विभिन्‍न दलले बेला-बेला आफ्ना राजनीतिक मुद्दा स्थापित गर्नका लागि आह्वान गर्ने नेपाल बन्‍दको विरोध स्वरुप उनी ‘नेपाल खुल्ला छ’ लेखिएको प्लाकार्ड लिएर माइतीघर पुगिहाल्छन् । 

कोभिड- १९ ले नागरिकहरू उपचार नपाएर मरिरहेका बेला सरकारको ध्यान नपुगेको भन्दै उनले दुई वर्षअघि १२ दिन लामो अनशन बसेका थिए । कोभिडको दोस्रो लहरमा अक्सिजन सिलिन्डर नपाएर नागरिकहरू मरिरहेका बेला उनी सिलिन्डरको जोहोमा लागेका थिए । कामधाम खोसिएर भोकभोकै सडकमा छटपटाइरहेका भोकाहरूलाई उनले खुल्लामञ्चमा खानाको जोहो गरेका थिए । 

बमले गरेका यी केही प्रतिनिधि उदाहरण मात्र हुन् । अपवादबाहेक १८ वर्षयता माइतीघर मण्डलामा भएका हरेक आन्दोलनमा उनको सहभागिता रहँदै आएको छ । 

उनी २०६९ सालमा उज्ज्वल थापाको नेतृत्वमा दर्ता भएको तत्कालीन विवेकशील नेपाली दलका संस्थापकमध्येका एक हुन् । उनी गएको वर्षसम्म तत्कालीन विवेकशील नेपाली र रवीन्द्र मिश्र नेतृत्वको साझा पार्टीबीच एकता भई बनेको विवेकशील साझामै थिए । केन्द्रीय समिति सदस्यसमेत बनेर उनले विभिन्‍न सामाजिक तथा राजनीतिक आर्थिक आन्दोलनको नेतृत्व गरे । सडकको आवाज सदनसम्म पुर्‍याए । तर, गत वर्ष पार्टी अध्यक्ष रवीन्द्र मिश्रले ल्याएको ‘विचारभन्दा माथि देश’ शीर्षकको दस्तावेजको विरोध गरेपछि उनी पार्टीबाट साधारण सदस्य समेत नरहने गरी निष्कासित भए । आफूले मन लगाएर निर्माण गरेको पार्टीबाटै निकालिएपछि उनी अहिले पार्टीविहीन छन् । 

उनलाई विवेकशील साझाबाटै चुनाव लड्ने इच्छा थियो । तर, अब त्यो सम्भव नभएपछि उनले स्वतन्त्र उम्मेदवारी दिएका छन् । उनलाई सदनमा पुगेर नागरिकको आवाज बुलन्द गर्न मन छ । 

आफूले कुनै दिन राजनीति गर्छु भन्‍ने कल्पनासम्म नगरेका बम चुनावमा होमिँदै छन् । १८ वर्षअघिको एउटा घटनाले उनको जीवनको बाटो मोडिदियो । 

वास्तवमा उनी डाक्टर बन्‍न चाहन्थे । त्यसको तयारी स्वरुप उनी ‘प्लस टु’मा जीव विज्ञान लिएर पढिरहेका थिए । उनको ध्यान पढाइबाहेक अन्य कुरामा कहिल्यै गएको थिएन । राजनीतिक रुपमा सचेत हुनु त धेरै परको कुरा राजनीतिको 'र' पनि उनलाई थाहा थिएन । तर, त्यो घटनाले उनलाई राजनीतिक रुपमा सचेत मात्र बनाइ दिएन, राजनीतिज्ञ हुने ध्याउन्‍नमै पुर्‍याइदियो । 

त्यो घटना के थियो, जसले उनको बाटो राजनीतितर्फ मोडिदियो ? सडकमा विभिन्‍न किसिमका अभियान गर्दै आएका उनलाई के कुराले पार्टी नै खोलेर राजनीति गर्न प्रेरित गर्‍यो ? वैकल्पिक शक्तिका अग्रणीसमेत भनेर चिनिने उज्ज्वल थापासँग उनको भेट कहिले र कसरी भयो ? अनेकन चुनौतीको सामना गरेर खोलेको आफ्नो पार्टीबाट उनी किन निकालिए ? देशवासी माझ एक सत्याग्रहीको छवि बनाएका उनी किन चुनाव लड्दैछन् ? सधैँ सडकबाट प्रश्‍न सोधिरहेका उनलाई किन सदनमा पुगेर प्रश्‍‍न गर्न मन लाग्यो ? चुनावी अजेण्डा के छन् ? चुनाव लड्ने रणनीति के छ ?

यी र यस्तै प्रश्‍न हामीले तिनै बमलाई सोधेका छौँ । प्रस्तुत छ, संसद्‌मा पुग्‍ने ध्याउन्‍नमा हिँडिरहेका सत्याग्रही बमसँग इकागजले गरेको भिडियो कुराकानी :

राष्ट्रको विरुद्ध मैले गद्दारी गरेको छैन, प्रमाणित गर्न चुनौती दिन्छु : अर्थमन्त्री शर्मा

इकागज | असार २, २०७९

आगामी आर्थिक वर्षको बजेटले मुलुकको अर्थतन्त्रलाई नयाँ दिशा प्रदान गर्ने स्पष्ट खाका तय गरेको छ । सरकारले प...

हाम्रोमा गाँजा प्रतिबन्धित गराएको अमेरिका भोलि हामीलाई नै गाँजा बेच्छ (भिडियो)

नारायण घिमिरे | असार २, २०७९

नारायण घिमिरे १५ वर्षयता खाद्य तथा औषधिविज्ञका रुपमा क्यानडामा कार्यरत छन् ।  उनी आयुर्वेदिक औषधीको...

विदेशमा सात प्रतिशतले खेती गर्दा पुग्छ, ‘कृषिप्रधान देश’मा खाद्यान्‍न किन्‍नु परेको छ (भिडिओ)

डा. प्रेम भण्डारी | जेठ २७, २०७९

जेठ २४ (७ जुन) गते मंगलबार वर्ल्ड फुड सेफ्टी डे अर्थात् विश्व खाद्य सुरक्षा दिवस । हामीले खाद्य सँगसँगै कृ...

सभामुख र सत्तारुढ दलले महाअभियोग प्रस्ताव चार महिनासम्म होल्ड गर्नु जायज होइन (अन्तर्वार्ता)

इकागज | जेठ २६, २०७९

प्रधानन्यायाधीश चोलेन्द्र शमशेर राणा ‘बिचौलियाका निम्ति स्वर्ग हुन्’ भन्‍ने कठोर तथ्य&ndash...

'जनता हुँदा ‘भन्‍न’ सजिलो थियो, अब कामै गर्नुपर्छ'

धनबहादुर गुरुङ | जेठ २४, २०७९

हिमालपारिको जिल्ला मुस्ताङको थासाङ गाउँपालिकाका नवनिर्वाचित हुन् अध्यक्ष प्रदीप गौचन । उनी आफ्नो नेतृत्वमा...

'विराटनगरवासीलाई 'मिनरल वाटर' सरहको पानी धाराबाट उपलब्ध गराउने प्रयास रहनेछ' (अन्तर्वार्ता)

इकागज | जेठ २४, २०७९

विराटनगर - विराटनगर महानगरपालिकाका प्रमुख नागेश कोइराला राजनीतिक वृत्तमा मात्र नभई सामाजिक क्षेत्रमा प...

निजगढ काठ काट्ने परियोजना हो, रुख कटान भएपछि विमानस्थल बन्दा पनि बन्दैन (भिडियो)

राष्ट्रिय समाचार समितिमा रहेर लामो समय पत्रकारिता गरेका कृष्णप्रसाद सिग्द्याल नेपाल वातावरण पत्रकार समूहक...